O domingo 28 de novembro celebrouse en San Andrés de Comesaña o Cross Belarmino Alonso das categorías a partir de benxamíns.
Alá marchamos todos en grupo para pasar unha mañá divertida e demostrarnos que cada día o vamos facendo mellor e, sobre todo, comprobando que vai aumentando o número dos valentes que se animan a participar nas competicións.
A pesar do frío e da lama existente en todo o circuito, todos os nosos atletas conseguiron rematalo con éxito e xurdiron moitas situacións divertidas das que, como non, foi testemuña a nosa cámara indiscreta.
Enhoraboa a tódolos participantes e as súas familias por tomar parte noutro día especial.
